Posted tagged ‘هبل’

انتصارات غاية في الهبل

3 June, 2009

لابد أن أعترف أني أستمتعت بنظرة البله على وجوههم جميعا عندما قلتها.

ما أصلهم يحرقوا الدم. تنزلي تجيبي لبن علشان تعرفي تشربي كوب اليوم العاشر من القهوة باللبن . فيتطوع مواطن بحكي مشاعره الشخصية تجاه أحد أعضاء جسمك .  يحس ال هو عايزه طبعًا،  و يتخيل المستقبل الجنسي ما بينكم  زي ما هو عايز.  لكن مين قاله أني عندي أي اهتمام أعرف طموحاته الجنسية؟
عادي، ما أنا مش باتطوع احكي لجوني ديب، ولا لأستاذ الفلسفة النقدية بتاعي على تأثيرهم على أعصابي.  لو سألوا طبعا هاقول!

يقول تعليقه عن جزأ من جسمي – طبعًا فهو متخيل انه ممكن ياخد رجل ست يقضي معاها الليلة و يبقى يرجعها لصاحبتها تاني – فأرد عليه برد أتوماتيكي من نوعية “بطل قلة أدب” أو “احترم نفسك” ال أراه  شخصيًا مضحك جدا. فبسلامته يرد علي “كس أمك!”
فبصورة لا إرادية أقول له ردي المعتاد “زب أبوك. مالهم بقى ؟

سكون تام في الشارع و بصات بله و بالطبع بكرة البوابان في العمارة الجديدة (أيون، أتنين مش واحد!!)  هيبقوا عرفوا الحدوتة و هنبتدي معاملة الكفار من أولها. لكن مزاجي اتظبط.
كلها انتصارات غاية في الهبل

ما احنا قلنا مية مرة  Well-behaved women seldom make history*

أو ترجمتي المفتكسة “اللبوات من النساء هن من يصنعن التاريخ”

—-

أضيف 3 jun,2009 @13:08

*الجملة للمؤرخة النسوية لوريل تاتشر كدعابة كتبتها ضمن مقال لها عن دور النساء في المجتمعات البيورتانية ، ثم أصبحت تستخدم كشعار مستقل عن معناه الأصلي في المقال

Advertisements